من طرف حنايا الروح السبت مايو 22, 2010 10:40 pm
من عادتي ما دس درب الهوى دس
العب على المكشوف واكشف سواده
ومن مدلي يمناه مديتله خمس
ومن صد عني عفت شيفة بلاده
لاني عزيز وعزتي تحكم النفس
والنفس ما ترضى بهون المكادة
كل يوم اقول حبيبي باكر يحس
والوقت عدا والجفا صار عادة
وش تاليت ذا الحب يا مرهف الحس
مالي بحب ما وراه استفادة
خلاص انا ياصاحبي دارسك درس
طبعك ترى في الود تبغي السيادة
ان كان عمرك في الهوى منخلق امس
ويا الهوى مخلوق قبل الولادة
لا تحسب اني باخضع الراس والنفس
وعلى الطرف اللي يريحك حط الوسادة
هذا مجالي وكل واحد وله رس
وشط البحر قابل لنقص وزيادة
من عادتي ما دس درب الهوى دس
العب على المكشوف واكشف سواده